Padayon pa sa karun nga ginapangita ang isa ka mangingisda nga na-missing sa Sagay City, Negros Occidental.
Sa interview sang Bombo Radyo Bacolod kay Petty Officer First Class John Catilo, sub-station commander sang Coast Guard Substation-Sagay, ang mangingisda ang nagpanagat sang Hulyo 16 apang nadula ini sang Hulyo 17 sang kaagahon.
Suno kay Catilo, nagpatigayon sila sang search and rescue operation apang bangud sa malain ang panahon kag zero visibility wala pa nakita ang mangingisda apang ang bangka sini ang nakita matapos malabayan sang mangingisda sa Suyac Island, sa bahin sang Barangay Taba-ao, Sagay City, Negros Occidental.
Ang mangingisda ang residente sang Purok Crotons, Barangay Old Sagay, Sagay City, Negros Occidental.
Panugyan ni Catilo, likawan ang magpanagat sa tion sang malain nga panahon agud malikawan ang insidente sa kadagatan.
