Nagdangat na sa indi magnubo 16 ka mga persona ang nagkalamatay sa ikaduha nga adlaw sang gyera sa tunga sang Thailand kag Cambodia.
Linibo ka mga persona naman ang gin-evacuate padulong sa evacuation centers nagikan sa border sang duha ka pungsod.
Nagpaandam man ang Thailand nga posible nga maglala pa ang gyera sang Cambodia.
Una na nga nag-ibwal ang gyera sa tunga sang duha ka pungsod kahapon, Hulyo 24, matapos maglunsyar sang pag-atake ang Cambodia gamit ang magagmay nga armas kag heavy weapons rason kun ngaa nagtimalos naman ang Thai army sang artillery fire.
Nagluntad ang pag-inaway sa Ubon Ratchathani province kag sa Surin province, santo sa impormasyon nagikan sa Thai Army.
Nagpaandam naman ang militar sa ila mga pumuluyo nga likawan ang lugar bangud sa nareport nga ginlunsyar nga heavy weapon kag rocket nagikan sa Cambodia.
