Presyo sang gasolina, nagnubo sang 40 sentimos; Diesel, nagpanaog sang P1.50

GOOD NEWS sa mga motorista, nagpatuman sang dako nga rollback sa presyo sang produktong petrolyo subong nga adlaw.

Sa separado nga advisories, ginpahayag sang Chevron Philippines Inc. (Caltex), Flying V, Petron Corp., Seaoil Philippines Corp. kag Shell Pilipinas Corp. ang nagpatuman sang rollback nga P0.40 sa kada litro sang gasolina, P1.50 sa kada litro sang diesel kag P1.30 sa kada litro sang kerosene.

Magapatuman naman sang pareho nga adjustment ang Cleanfuel, Petro Gazz kag Unioil Petroleum Philippines Inc. magluwas sa kerosene nga wala sa ila produkto.

Nangin epektibo ang adjustment alas 6:00 ang takna kaina sang aga samtang ang Cleanfuel ang nagpatuman sang price adjustments alas 8:01 ang takna subong man nga aga.