Nalakip na ang mga rice farmers sa listahan sang beneficiaries sang P20 per kilo rice program sang gobyerno.
Suno kay Agriculture Assistant Secretary Genevieve Guevarra tuyo sang programa nga buligan ang mga mangunguma ilabi na ang mga farmers nga nagapanag-iya lamang sang duha ka ektarya sang duta ukon mas manubo pa, kag mga farm workers kasubong man ang mga wala nagapanag-iya sang kaugalingon nila nga duta.
Dapat nga maregister ang mga farmers sa Registry System for Basic Sectors in Agriculture (RSBSA) agud maka-avail sang subsidized nga bugas.
Samtang, nagpahayag man ang Department of Agriculture nga ang mga farmers sang iban nga crops kag mga manug-pangisda ang malapit naman nga ilakip sa programa.
Ang gobyerno nagabaligya sang P20/kilo sang bugas sa marginalized sectors kalakip na ang persons with disabilities (PWDs), solo parents, 4Ps beneficiaries, kag senior citizens.
