Carlos Agassi, ginkasal na sa iya girlfriend nga si Sarina

Ginkasal na ang aktor nga si Carlos Agassi sa iya long-time girlfriend nga si Sarina.

Ginpakigbahin sang aktor sa social media ang mga pictures sang ila kasal kun sa diin ginbutangan sini sang meaningful nga mensahe para sa iya asawa.

Suno kay Carlos, madugay na sini ginalauman nga magpakasal kay Sarina kag matapos ang pito ka tuig, natigayon nga nangin asawa niya na ang iya nobya.

Dugang pa sini, padayon nila nga gina-fulfill ang ila mga handum, kaangay sang salakyan, balay, kag baby nga ila ginahulat kag nagasalig sa plano sang Diyos para sa ila.

Nagpasalamat naman si Carlos kay Sarina sa tanan nga pagpalangga, pagpasensya kag pagsalig nga ginhatag sini sa iya.