Pilason ang isa ka negosyante matapos ginluthang sa gwa sang ila puluy-an sa Barangay Robles sa banwa sang La Castellana, Martes sang gab-i, Oktubre 27.
Ginkilala ang biktima kay Dindo Montero, 41 anyos kag residente sang nasambit nga lugar.
Sa interview sang Bombo Radyo Bacolod kay Police Lt. John Derrick Capunong, Deputy Chief of Police sang La Castellana Municipal Police Station, nakabaton sila sang tawag nga may shooting incident kun sa diin gin-verify nila ini kag nakumpirmar ang insidente.
Suno kay Capunong, ang biktima ang ginhingagaw dala sa health center matapos nga nakaangkon sang pilas sa nawala nga kilid kag butkon antes gin-refer sa ospital sa ciudad sang Bacolod.
Ginpahayag sang bata sang biktima nga nakabati sila sang pagbinaisay antes nabatian ang lupok sang armas-luthang.
Narekober sa crime scene ang duha ka deformed slugs kag isa ka fired cartridge.
Dugang pa ni Capunong nga may yara na sang persons of interest ang pamilya sa nagtiro sa biktima matapos ginpahayag sang asawa nga nakilala niya ini.
Ginalantaw nga indi pag-intsindihanay sa tunga sang suspek kag biktima ang motibo sa krimen.
Padayon pa nga ginatumod ang suspetsado kag ang motibo sa pagpangluthang.
