Mas ginpasangkad pa sang gobyerno ang pagpatuman sang P20 per kilo rice program matapos nga nadugangan sang apat ka mga lugar ang nagatanyag sang P20-per-kilo rice program sang gobyerno.
Suno kay Department of Agriculture (DA) Secretary Francisco Tiu Laurel Jr., mahimo naman makabakal sang P20 nga kilo sang bugas sa Laoag, Ilocos Norte; Roxas, Capiz kag San Jose, Occidental Mindoro kag sa Sitio Baloy sa Barangay Tablon, Cagayan de Oro City.
Samtang, ang fishing communities sa Lucena, Quezon; Sual, Pangasinan; kag Navotas sa Metro Manila ang mangin labing una nga benepisyaryo sang rice subsidy program para sa mga mangingisda.
Nahibaluan nga agud mas mapalapad pa ang implemetasyon “Benteng Bigas, Meron Na!”, nagpain na ang gobyerno sang P10 billion nga pondo para sa nasambit nga programa.
