Filipina athlete Agatha Wong, daog sang bronze medal sa 17th World Wushu Championships sa Brazil

Nakuha sang Filipina athlete nga si Agatha Wong ang bronze medal sa 17th World Wushu Championships sa Brasilia, Brazil.

Ang 27 anyos nga si Wong ang nakakuha sang 9.703 points sa women’s taijijian event.

Nagdaog man si Carlos Baylon Jr. sang silver medal sa men’s sanda 56 kg.

Nakakuha man sang bronze medal amo sanday: Russel Diaz (men’s sanda 52 kg), Gideon Fred Padua (men’s sanda 60 kg), Xander Alipio (men’s sanda 65 kg), Jenifer Kilapio (women’s sanda 52 kg), kag Krisna Malecdan (women’s sanda 56 kg).