Gin-dismiss ni Bacolod City Mayor Greg Gasataya ang isa ka lalaki nga manunudlo sa Bacolod City College bangod sa pagpadala sang mga bastos nga mensahe sa isa ka estudyante.
Sa interview sang Bombo Radyo Bacolod kay Bacolod City Legal Officer Atty. Karol Joseph Chiu, graduating student ang estudyante nga babayi nga nagfile sang iya complaint sang Pebrero.
ni ang nagpresentar man sang ebidensya sang mga bastos nga social media messages sang nasambitan nga manunudlo.
Ang complaint ang ginbatun sang Code of Discipline sang kolehiyo kag ginrekomendar sa Office of the City Mayor.
Apang antes gindesisyunan, ginpasa anay sang alkalde ang complaint sa Board of Trustees sang BCC, kun sa diin ang alkalde man ang chairman.
Samtang matapos tun-an sang Board of Trustees, ang alkalde gihapon ang magapagwa sang final decision.
Ginpagwa ni Mayor Greg ang desisyon nakaligad nga duha ukon tatlo ka semana.
Ginapahanumdom sang alkalde nga wala sang lugar para sa kaangay nga sexual harrasment kag ini ang indi dapat tolerahon partikular na sa sulod sang learning institution.
Suno kay Chiu, nabatun naman sini ang Motion for Reconsideration sang nasambitan nga manunudlo nga nagakwestyon sa technical nga aspeto sang complaint.
Suno diri, ginatindugan sang manunudlo nga indi matuod ang ginsumiter nga screen shot sang ila social media conversation, bangod ini ang sarang lamang nga ma-edit.
Ginatinguhaan sang Bombo News Team nga makuha ang bahin sang School Administration sa Bacolod City College.
