Makaalarma na ang nagadamo nga aksidente sa karun sa dalanon.
Ini ang sarang matabo sa nanari-sari nga rasun, hungod man ukon indi, nagasunod man sa traffic rules ukon wala.
Apang pinasahi ang natabo nga aksidente sa China, nga madasig naglapta sa social media matapos mastock sa ulo sang motorista ang temporary traffic light.
Ini matapos mabungguan sang electric scooter ang temporary traffic light sa ciudad sang Chengdu, kag aksidente nga nagsulod diri ang iya ulo.
Gilayon naman nga nagtawag sang bombero agud marescue ang driver kag makuha sa iya ulo ang temporary traffic light.
Apang nangin mabudlay ang operasyon kun sa diin naglab-ot sa 40 minutos antes nakakas ang metal casing sa ulo sang biktima.
Gindala ang lalaki sa ospital kag madasig man nga nakarecover, kun sa diin mas nangin madugay pa ang pagrecover sini gikan sa paglapta sang iya video kag litrato sa social media.
