Banning sang rice importation, ginatun-an nga i-extend tubtob sa katapusan sang tuig bangod sa tuman ka barato nga presyo sang humay

Ginpahayag sang Department of Agriculture nga ginalantaw sini ang posibilidad sang pag-extend sang ban sa rice imports tubtob sa katapusan sang tuig kag gincite ang padayon nga pagnubo sa presyo sang humay sa pungsod.

Suno kay Agriculture Secretary Francisco Tiu Laurel Jr., nakigkita ini kay President Ferdinand “Bongbong” Marcos Jr. sang tinalikdan nga semana kag ila nadesisyunan nga i-extend ang import ban sa minimum nga 30 ka adlaw.

Suno diri, posible nga tubtob sa katapusan ini sang tuig depende sa sitwasyon.

Madumduman nga nagmando si Marcos sang tinalikdan nga bulan sang isa ka 60 ka adlaw nga pag-untat sang rice imports, nga natalana tubtob sa Oktubre 30, 2025.