Gin-anunsyo sa mga fuel retailers ang pagpanubo sa presyo sang gasolina subong nga adlaw, samtang padayon ang pagtaas sang presyo sang diesel kag kerosene sa sunod-sunod nga ika-anum na nga semana.
Nagapahibalo man ang Chevron Philippines Inc. (Caltex), Seaoil Philippines Corp., kag Shell Pilipinas Corp. nga ginpanubuan nila ang presyo sa kada litro sang gasolina sang P2.00 samtang magasaka ang presyo sang diesel kag kerosene sang tig-P0.90.
Samtang ang Cleanfuel, ang magapatuman man sang pareho nga pagbag-o sa presyo, luwas lang sa kerosene nga wala sa ila produkto.
Nag-umpisa alas-6:00 subong nga aga, Setyembre 30 ang mga pagbag-o sa presyo sa tanan nga kompanya luwas sa Cleanfuel nga magpatuman sang mga pagbag-o sa alas-4:01 karun sa hapon.
