Ginpahayag sang Department of Agriculture (DA) nga ipatuman sa tanan nga probinsya sa Davao Region ang P20 per kilo rice program sa idalum sang “Benteng Bigas Meron (BBM) Na” initiative.
Ini matapos nga gintay-og sang magnitude 7.4 nga linog ang banwa sang Manay sa Davao Oriental, kag narekord ang Intensity V sa Davao City.
Suno kay Agriculture Secretary Francisco Tiu Laurel Jr., nga nagapadayon pa ang plano nga paglunsyar sang nasambit nga programa sa rehiyon para makabenepisyo ang mga apektado sang mabaskog nga linog.
Suno kay Laurel nga ang rollout sang P20-per-kilo rice program ang ginalauman nga magasugod subong nga adlaw, Oktubre 13, sa Davao City, sundan sang Davao del Sur, kag sa bug-os nga probinsya sang Davao sa katapusan subong nga Oktubre.
