Apisar sang pag-ulan nangin madinalag-on ang Electric Masskara 2025.
Napuno sang maduagon nga mga floats kag costumes sang Electric Masskara dancers ang dalan sang Upper East padulong sa Bacolod City Government Center.
12 ka mga Barangay ang nagpaindis-indis.
Ang dose ka mga participants ang ginalakipan sang Barangays, 2, 5, 8, 12, 17, 19, 32, 33, 34, Cabug, Mansilingan kag Granada.
Ginkilala nga champion ang Barangay Mansilingan nga nakakuha sang P350,000, 1st runner up ang Barangay 12 kag 2nd runner-up ang Barangay Granada.
Nakuha sang Barangay Granada ang Most Discipline, sila ang nakabaton sang P10,000.
Samtang nakuha sang Barangay Mansilingan ang Best in Float, Best in Mask and Costume, Best in Music kag sila ang nagbaton sang P30,000 bangud P10,000 ang mabatun sa tagsa ka special awards.
Sa interview kay Punong Barangay Inday Franz Tionko sang Barangay Mansilingan, naoverwhelmed ini sa kalipay nga sila ang nagdaog.
Suno kay Inday Franz, ginapasalamatan sini ang tanan nga nagbuligay agud nga matigayon nga makahimo makapasakop ang Barangay.
Suno diri ang pinakachallenge amo nga late na sila sugod sa pagpreparar sang float kasubong man sa mga dancers.
Apang sa pagpulaw bugtaw sang tanan nangin posible ang ila nga pagpasakop kag sila pa ang nagdaog.
