Preparado na ang katapo sang Bacolod City Disaster Risk Reduction Management Office sa patigayunon nga Arena and Steet Dance Competition school category subong nga adlaw.
Pito ka buluthuan ang magapartsipar nga ginalakipan sang Andres Bonifacio Elementary School, Estefania Elementary School, Asuncion Lizares Elementary School, Pagalaum Village Elementary School, Rizal Elementary School, Education and Training Center School 1 kag Rodolfo A. Medel Sr Elem School.
Sa interview sang Bombo Radyo Bacolod kay Bacolod CDRRMO Head Dr Ana Maria Pornan, ideploy na nila subong sa paglaom Sports Complex ang mga DRRM personnel.
Suno kay Pornan, ang mga personnel nga nakaduty sa kada adlaw ang gintingob agud nga makahimo sang duha ka team.
Suno diri, isa lang man ang event subong nga adlaw gani gindeploy ang mga DRRM personnel sa Paglaum Sports Complex kaupod ang mga personnel sang Red Cross, Amity kag iban pa.
Ginsiguro man nga may nakadeploy nga makaresponde sa tion nga kinahanglan pagkatapos sang performance.
Panugyan ni Pornan nga bantayan ang mga belongings kag magdala sang panaming batok sa ulan bangud mahimo mag ulan bangud sa bagyo.
Panugyan naman sini sa mga senior citizens nga magpili na lamang kun sa diin maglantaw sa Plaza ukon Paglaum, kag indi na maglakat agud malikawan ang insidente.
Suno kay Pornan, ang mga bata dapat siguruhon gid nga indi madula.
Sa tion nga maglain ang pamatyag mahimo man nga makapangayo sang bulig sa first aiders nga nagalibot.
