Tuman ang pagpasalamat sang festival director sang Gugma Foundation nga nangin madinalag-on ang Masskara Festival 2025 apang aminado man ini nga indi perpekto ang pagpatigayon sini.
Sa interview sang Bombo Radyo Bacolod kay Rodney Ascalon, ginakalipay sini nga apisar sang pag-init kag pag-inulan natigayon sagihapon ang mga aktibidad.
Suno kay Ascalon may mga ginbalik ini nga mga aktibidad sa Masskara Festival nga nakahakot sang mga bisita.
Suno diri, aminado man siya nga may yara sang dapat nga i-improve.
Dugang pa sini nga masami niya nga ginahambal sa iya nga team nga wala sang sala ukon kakulangan sa ila nga trabaho kundi oportunidad lamang sang improvement.
Suno diri, lauman ang mas masanyog nga Masskara Festival sa madason nga tuig.
Una man sini nga ginpasalamatan ang mga pumuluyo sa kooperasyon kag paghangop ilabi na sa ginpatuman nga road closures bangud sa ginpatigayon nga aktibidad sa Masskara Festival 2025.
