Preparado na ang Bacolod City Fire Station na para sa implementasyon sang Oplan Kaluluwa 2025.
Sa interview sang Bombo Radyo Bacolod kay Fire Superintendent Jenny Mae Masip, fire marshal sang Bacolod City Fire Station, ipaidalum sa heightened alert status ang personnel sang BFP sa Oktubre 30 tubtob sa Nobyembre 2.
Suno diri, may mga ideploy sa mga sementeryo apang hatagan man nila sang prayoridad ang mga pantalan kag bus terminals sa ginalauman nga madamo sang mga mabyahe papauli sa ila tagsa ka lugar.
Pahanumdom ni Masip nga sundon ang mga layi kag likawan ang mga ginadumilian kaangay sang pagdala sang makahulubog nga ilimnon kag patalum sa sementeryo, pagdala sang baraha kag gambling.
Dugang pa sini, mas maayo nga madutay lang ang bitbiton nga mga gamit agud indi makawat ukon madula.
