Nag-umpisa na subong nga adlaw ang second wave sang Oplan Undas sang Land Transportation Office.
Sa interview sang Bombo Radyo Bacolod kay LTO- Negros Island Region Regional Director Jeck Cunlo, nag-umpisa ang Oplan Undas sang Oktubre 20 kun sa diin may yara na sang mga gindeploy nga personnel halin sa district office sang LTO para magmonitor sa sementeryo, sa mga pantalan, kag dalagko nga establisyemento.
Kaupod sang LTO ang personnel gikan sa Highway Patrol Group, Philippine Drug Enforcement Agency, Philippine National Police, Philippine Coast Guard, kag Department of Transportation in the Philippines.
Suno diri, may yara sang patigayonon nga random road inspection sa road safety kag road worthiness sang mga vehicle.
Mensahe ni Cunlo, palabaon ang pasensya sa dalan, tsekyaron ang vehicle antes magbyahe, kag maghatag respeto sa mga commuters, pedestrian kag mga kaangay nga driver.
