Kapulisan, nagbantay sa ulihi nga gab-i sang haya ni Freya Mae Go

Nagbutang sang police personnel ang Bacolod City Police Station 2 agud magbantay sa ulihi nga gab-i sang haya ni Freya Mae Go.

Madumduman nga si Freya ang nasapwan nga bangkay na kag nabaklid ang kamot kag wala sang pang-idalom nga panapton sa Barangay 12, Bacolod City sang Oktubre 22.

Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, nagcoordinate sa iya si Police Captain Francis Depasucat, station commander sang Bacolod Police Station 1 nga nagarequest sang security ang pamilya ni Freya gani nagpadala man ini sang police personnel.

Wala man sang narekord ang mga kapulisan nga na nagginamo sa haya ni Freya nga natalana igalubong subon nga aldlaw.