Indi magnubo sa 25 mil nga eskwelahan, yara sa risgo sang pagbaha kag landslide bangod sa Bagyo TINO

Indi magnubo sa 25,000 ka mga buluthuan sa pungsod ang yara sa risgo bangud sa pagbaha kag rain-induced landslide bangud sa makusog nga pag-ulan tuga sang Bagyo Tino suno sa Department of Education.

Suno sa DepEd-Disaster Risk Reduction and Management Service, 9,558 ka mga buluthuan ang delikado sa pagbaha samtang 15,668 ka mga eskwelahan ang vulnerable naman sa landslide.

Gin-abisuhan sang DepEd ang mga buluthuan kag local government nga i-preparar ang emergency response kag siguruhon nga safe ang mga kagamitan kag mga supplies sini.