Apat ka mga persona ang patay kag 14 ang missing sa banwa sang La Castellana bangud sa Bagyo Tino.
Sa interview sang Bombo Radyo kay John De Asis, head sang Disaster Risk Reduction and Management Office sang La Castellana, duha ka mga persona ang napatay sa Barangay Robles samtang duha man sa Barangay Sag-ang.
Suno kay De Asis, lunsay mga lalaki ang mga ini.
Samtang, 14 naman ang missing kag nalakip diri ang mga magpamilya.
Kahapon, nagpatigayon sila sang search and retrieval operation kag ini ang magaresume subong nga adlaw.
Panugyan sini sa mga pumuluyo nga magcoordinate kag magcooperate sa mga otoridad kag indi anay nila matatapan ang mga nagkalaguba nga mga pamalay bangud ang focus nila sa karun amu ang masalbar kag marescue ang mga apektado nga pumuluyo.
