Anom ang kumpirmado nga patay samtang 18 ang missing bangod sa kahalitan sang Bagyo TINO sa Canlaon City, Negros Oriental.
Suno kay Canlaon City Mayor Jose Chubasco “Batchuk” Cardenas, wala sa karun sang kuryente, wala sang internet connection kag wala sang phone signal sa nasambit nga ciudad.
Nagdangat sa 275 ka pamilya ang gin-evacuate sa siyam ka evacuation sites samtang sa karun padayun pa nga ginakolekta ang data gikan sa Brgy Pula kag Brgy Binalbagan.
Wala naman sang response gikan sa Brgy Bucalan tubtob sa karun.
Indi naman malabayan ang highway Binalbagan bridge, highway Inayawan bridge, dalan malapit sa Mt. Citi bridge, Sitio Alibaybay bridge, Brgy Malaiba bridge, kag Brgy Bayog bridge.
Sa karun, ang nagapanguna nga kinahanglan sang mga pumuluyo amo ang tubig, kuryente, pagbalik sang telecommunication lines kag pagkaon.
