Naghinulsol ang isa ka fur mom matapos sini nga ginpili nga mag-home remedy kag magbakal sang bulong online.
Imbes nga mag-ayo, mas naglala ang kondisyon sang iya kuring nga si Kookie sang nagtingig ang ulo sini.
Suno sa fur mom nga si Franzine Estanislao, nag-umpisa sa ear mites ang kondisyon sang iya kuring kag na-irritate ang iya dulunggan bangod sa parasites.
Apang, bangod estudyante pa lamang siya kag wala sang kwarta para magpadulong sa vet, nagbakal siya sang bulong sa online nga iya ginhinulsolan.
Suno diri, makalipas ang pila ka adlaw sa paggamit sang bulong, nakita niya wala ini sang epekto kay Kookie kag kaangay nga mas naglala pa bangod nagtingig ang ulo sini.
Nadulaan man ini sang balanse kag indi na maayo makatindog kag wala na sang gana magkaon.
Sang ginlantaw sini ang label sang bulong, didto niya nakita nga peke ang iya nabakal.
Sa bulig sang pila ka netizens, nadala sa vet si Kookie kag magluwas sa ear mites infestation, si Kookie may yara man sang secondary bacterial infection nga naglapta na sa iya lawas nga nagresulta sa blood infection.
Apang sa karun, nagarekober na si Kookie kag nabalik na ang nagatingig sini nga ulo kag may gana na ini nga magkaon.
