Napilitan nga mag-emergency landing ang pampasahero nga eroplano nga padulong kuntani sa Israel matapos ginbuno sang co-piloto ang piloto.
Halin sa Dubai ang nasambit nga eroplano padulong sa Tel Aviv sang ini ang dutayan lang magtibusok sa 17,000 feet antes na-divert ang flight sa Saudi Arabia.
Nagbuligay ang lima ka pasahero sang eroplano para mapunggan ang suspek.
Apisar nga pilason, madinalag-on nga napatigayon sang piloto ang safe emergency landing.
Naaresto naman ang suspek matapos nga hilway nga naka-landing ang eroplano.
Gintawag naman ni Israeli defence minister Israel Katz ang insidente bilang “jihadist terror attack”.
Nagpadala na sang eroplano ang Flydubai sa Tabuk Airport sa Saudi Arabia para sugaton ang mga pasahero nga na-stranded.
