Naglunsyar sang Donation Drive initiatives ang Negros Oriental Police Provincial Office bilang bulig sa mga nahalitan sang Bagyo TINO.
Sa interview sang Bombo Radyo Bacolod kay Negros Oriental Police Provincial Office Spokesperson Police Lt Stephen Polinar, 18 ang narecord nga napatay samtang walo naman ang missing sa bilog nga Negros Oriental partikular na sa Canlaon City, Guihulngan kag Vallehermoso.
Nagdangat sa 424 ka pamilya ukon 1,392 ka indibidwal ang nag-evacuate sa probinsya.
Sila ang naglunsyar naman sang inisyatibo sa donation drive.
Suno diri, may kabudlayan sa pagtransport sang ila donasyon padulong sa mga apektado nga lugar ilabi na nga yara gihapon ang risgo sang flash floods kag rockslide.
Gani panawagan sini sa mga luyag magdonar nga idul-ong na lamang sa mga police stations ang donasyon, kag ini ang ila nga iga-account kag sila na ang magadul-ong pasaka sa mga apektado nga local government units.
Isa sa ginarekomendar sini nga mahatag amo ang mainom nga tubig kag pagkaon nga pinaka-kinahanglan sa karun sang mga biktima sang Bagyo.
Aminado si Polinar nga kapoy na ang mga kapulisan bangod sila ang wala pa sang pahuway gikan sa Buglasan Festival nga ginsundan sang UNDAS kag Bagyo TINO.
Nagapati ini nga ang hitabo ang nagatakos lamang kun ano gid nila ka palangga ang Negros Oriental.
Pasalig sini nga indi magpahuway ang mga personnel sang NORPO sa pagbulig sa mga biktima sang Bagyo.
Suno diri, maga-ayo na lamang sila nga mahatagan sang pahuway ang mga personnel matapos ang masako nga pagresponder sa kalamidad.
