Ginmando ni Department of Agriculture Secretary Francisco Tiu Laurel Jr. ang implementasyon sang bag-o nga regulasyon nga nagapabakod sa pagbato sang pungsod batok sa African Swine Fever (ASF) samtang ginasiguro nga safe ang swine imporattion.
Sa idalum sang Administrative Circular No. 12, ang ASF regionalization nagakilala sa mga ASF-free zones sa accredited exporting countries nga in line sa standard sang World Organization for Animal Health.
Suno kay Tiu Laurel, aktibo nga nagatrabaho ang gobyerno nga makarecover sa ASF kag padayon ang pag-identify sa mga area nga wala nahalitan sang nasambit nga balatian.
Suno diri, ang Department of Agriculture-accredited countries gid lamang ang maka-apply sa ASF regionalization recognition.
Ang Bureau of Animal Industry, paagi sa Risk Import Assessment Team magaconduct sang anum ka bulan nga technical review agud maverify ang compliance sang DA kag sa international standards.
Kun matapos na ang evaluation, ang BAI mapahibalo sa exporting country sang resulta.
