Padayon ang pagmonitor sang Department of Trade Industry-Negros Occidental sa presyo sang mga basic commodities sa probinsya kasunod sang pagdeklarar sang state of national calamity.
Suno kay Lina Joy Cardinal, officer-in-charge sang DTI-Negros Occidental, sa pagdeklarar sang state of calamity wala dapat sang may magpasaka sang presyo sa basic commodities.
Suno diri, may yara sila sang monitoring team nga nagalibot-libot para magstekyar sang mga presyo agud malikawan nga may yara sang magpasobra sa pagbutang sang presyo sang balaklon.
Kun sin-o man ang madakpan nga wala nagasunod sa price freeze, ini mahimo makasohan, mamultahan ukon mapreso.
Nagapanawagan si Cardinal nga ireport kun sin-o man ang wala nagasunod sa price freeze nga ipatuman sa sulod sang 60 ka adlaw.
Nalakip sa price freeze ang mga tinapay, instant noodles, canned sardines, bottled water, laundry soap kag iban pa nga basic commodities.
