Pasado na sa first reading sa konseho sang Bacolod City ang ordinansa nga magahatag sang systema sa pagpatigayon sang mga evacuation efforts sa tion sang mga kalamidad.
Sa interview sang Bombo Radyo Bacolod kay Councilor Atty Caesar Distrito, author sang ordinansa, sa tion sang mga emerhensya sa masami evacuation centers ang dalangpan sang mga apektado nga pumuluyo.
Apang bangod madamo sang evacuation centers sa kada Barangay, sa masami nagatuga sang problema ang indi alalangay nga paghatag sang pagkaon kag supplies.
Sa iya nga ordinansya, tukuran sang system ang evacuation efforts kag may mga italana na nga team nga magahimo sang tagsa ka function.
Suno kay Distrito, may team nga incharge sa pagkaon, sa food packs, mga equipments kasubong man sa pagplastar sang physical structure.
Sila ang magapatigayon pa sang mga committee hearing sa nagkalainlain nga mga departamento kag ahensya nga incharge agud ma-id id nga madeliberar ang ipatuman nga pagsulundan.
