Nakaabot na ang resulta sang ginpatigayon nga inspection sang personnel gikan sa Department of Environment and Natural Resources (DENR), Mines and Geosciences Bureau kag Mt Kanlaon Natural Park sa kabukiran sang Canlaon City, Negros Oriental.
Madumduman nga nagpatigayon ang nasambit nga government agencies sang inspection kasunod sang natabo nga rockslide, mudslide kag flashflood sa Canlaon City, Negros Oriental bangud sa paglaslas sang Bagyong Tino.
Sa interview kay Negros Occidental Governor Eugenio Jose”Bong” Lacson, santo sa resulta kag common nga rason ang wala ginlauman sang mga pumuluyo ang natabo nga pag-ilig sang mga dalagko nga bato.
Suno kay Lacson ginapatihan nga mga kalabanan sang mga puno sa nabukid nga bahin sang nasambit nga ciudad ang ginpangsarahe na gani wala na sang magasuyop sang tubig sa tion nga mag-ulan.
Samtang, madamo ang wala na sang pulian nga mga residente matapos nga mangin totally damage ang ila mga puluy-an bangud sa natabo sang paglaslas sang Bagyo Tino.
Magluwas sini, naab-ab naman ang lugar nga ila nga ginapulian kag natabunan na sang mga dalagko nga mga bato.
Dugang pa sang gobernador nga ang lugar nga natabunan sang dalagko nga mga bato ang NO BUILD ZONE na.
Ginpahayag man ni Lacson nga ini ang mabudlay nga tinion apang may yara man sang kwarta kag natalana naman ini nga ipanagtag sa mga naapektuhan.
Suno sa gobernador nga ang resulta sang inspection ang ila nabaton sang nagbisita si President Ferdinand “Bongbong” Marcos Jr kag nagpatigayon sang meeting sa banwa sang La Castellana, Negros Occidental.
