Ano ang ubrahon mo kun ang restaurant nga imo nga ginsudlan ang nagadumili sa pagkaon nga naga-isahanon?
Isa ka noodle restaurant sa Yeosu City, South Korea ang nangin sentro sang mainit nga debate online matapos hayag nga ginbalibaran ang mga customers nga nagakaon nga nagaisahanon ukon “solo diners”.
May karatula sagwa sang restaurant nga may nakasulat nga “wala kami nagabaligya sang kasubo, Indi ka magkadto nga naga-isahanon.”
Naghatag man ini sang apat ka option para sa mga nagaplano nga magkaon sang isahanon: magbayad para sa duha ka tawo, magkonsumo sang duha ka porsiyon, magtawag sa isa ka abyan, ukon magbalik sa masunod nga tion upod ang asawa.
Suno sa tag-iya, mas gusto nila nga pun-on ang mga lamesa sang mga grupo sangsa isa lang ka tawo agud mapadako ang kita kag kapasidad sang pulungkuan.
Suno sa korte sang South Korea, yara na sa discretion sang tag-iya sang negosyo kun sin-o ang ila batunon bilang ila mga kustomer.
Madamo naman sang mga netizen ang nagreklamo sa social media.
Ginpahayag sang isa ka netizen nga masobra isa ka oras siya nga nagpila pero wala siya ginpasulod bisan may bakante nga lamesa.
May ginreport man nga insidente ang isa ka YouTuber ginsaway sang mga personnel sang restaurants kag ginpadali sa iya pagkaon, bisan pa nga nag-order siya sang porsyon para sa duha ka tawo.
