May mga ginahimo na nga tikang ang Central Philippine State University Main Campus sa Kabankalan City agud malikawan ang posibilidad sang pagpangbomba.
Ini kasunod sang bomb threat sang Nobyembre 19, nga naghatag sang kahadlok sa mga estudyante, manunudlo kag faculty sang eskwelahan.
Sa interview sang Bombo Radyo Bacolod kay School President Aladino Moraca, may kabudlayan sa pagtumod sa nagpalapta sang bomb joke bangod ini ang ginpaagi sa social media.
Nagakooperar man sila sa ginapatigayon nga imbestigasyon.
Suno sa principal, wala na nasundan pa ang pagpamahog, kag ginalantaw sini nga kun indi gid matumod ang may kahimuan, ang insidente ang magapabilin nalang nga estorya.
Bilang precautionary measures, ginpahugot man sang eskwelahan ang ila monitoring system sa CCTV, indi lamang sa ila main campus, kasubong man sa iban nga campuses.
Ginmando naman nila ang hugot nga pagbantay sang mga security guard kag ang pagseguro nga wala sang gap sa ila interval sa pagbantay.
