Nahimos na ang mga kable nga nagabalabag sa dalan malapit sa entrance sang Charito Heights subdivision sa Barangay Granada, Bacolod City, kahapon, Nobyembre 22.
Sa interview sang Bombo Radyo kay Punong Barangay Armando Vito sang Barangay Granada, Bacolod City, pasado alas-11:00 kahapon sang aga natapos na sang telcos sa paghimos sa mga wires nga nagaluyloy kag nagabalag sa dalan sa nasambit nga lugar.
Suno kay Vito, ang mga pumuluyo sa barangay na lamang ang magahimos sa iban pa nga mga kawayan nga nahabilin kag suno pa diri may yara pa sang iban nga mga subdivision ang wala pa gid natinluan.
Suno diri, sugod pa lamang ini sa ila nga pagpursige sa pagtinlo sa wires kag mga poste nga natumba
Ginpahayag ni Vito nga padayon sagihapon ang pag-coordinate sini sa telecommunications companies agud nga mahimuan sang tikang agud masolusyunan ang mga reklamo sang mga pumuluyo.
Panawagan sini sa mga pumuluyo nga gilayon nga ipahibalo sa barangay kun may yara sang concerned agud nga mabuligan.
Nagapasalamat si Vito sa Bombo Radyo Bacolod sa paghatag sang tion agud nga mapalab-ot sa telecommunication companies ang problema sa lugar.
