Alas-8:00 kagab-i, nagsanyog sa Tropical Storm category ang Bagyo VERBENA, kag ini ang sa karun padayun pa nga nagabaskog samtang yara sa Philippine Sea.
Ang mata sang bagyo ang ulihi nga nasiplatan sa 130 km sa nakatungdan sang Coron, Palawan.
Dala sini ang kabaskugon sang hangin nga nagadangat sa 85 km/h kag pagmadlos nga tubtob 105 km/h.
Ang Bagyo ang nagahulag padulong sa West Northwestward nga dereksyon sa kadasigon nga 25 km/h.
Sa karun may mga lugar gihapon nga napaidalom sa Tropical Cyclone Wind Signals:
SIGNAL NO. 2
-Calamian Islands, kag
-Extreme northern portion sang mainland Palawan
SIGNAL NO. 1
-Occidental Mindoro, kag
-Northern kag Central portions sang Palawan kalakip ang Cuyo kag Kalayaan Islands
Sa forecast track sang Tropical Storm VERBENA, ini ang ginalauman nga magapadayun sa paghulag sa west northwestward nga dereksyon samtang yara sa West Philippine Sea subong nga aga, antes magliko sa nakatungdan nga dereksyon kag maglabay sa naaminhan sang Kalayaan Islands karun sa hapon ukon sa gab-i.
Ini ang maggwa naman sa Philippine Area of Responsibility bwas sa aga.
Sunod nga magaliko ang Bagyo sa west southwestward nga dereksyon tubtob sa Biyernes sang aga.
Ini ang sunod naman nga magapadulong sa naaminhan-nakatungdan kag north northwestward nga dereksyon padulong sa kadagatan sa nasidlangan sang Vietnam.
Ginalantaw nga magadangat sa Severe Tropical Storm category ang Bagyo karun sa hapon kag magasanyog pa tubtob bwas.
