Nagdangat sa P12 billion ang kabug-usan nga assets nga na-freeze sang Anti-Money Laundering Council (AMLC) lakip na ang P4 billion nga air assets ni Zaldy Co, 3,566 bank accounts, 198 insurance policies, 247 ka mga salakyan, 178 real properties, kag 16 e-wallets.
Suno kay President Ferdinand Marcos Jr., panugod pa lamang ini kag sa maabot nga mga inadlaw, mas madamo nga assets pa ang ma-freeze agud mabalik na ang kwarta sang mga pumuluyo.
Ginhighlight man sang Presidente ang promisa sini sa mga pumuluyo nga mabalik ang kwarta nga ginkawat sa gobyerno.
Suno kay Marcos, magapasa na man ang Independent Commission for Infrastructure (ICI) kag Department of Public Works and Highways sang ebidensya sa Ombusman para sa rekomendasyon nga magfile sang kaso nga plunder, anti-graft, bribery kag conflict of interest batok sa walo ka mga kongresista nga nagapanag-iya sang construction companies.
