Ginpahayag sang pinuno sang Traffic Enforcement Unit sang Bacolod City Police Office nga madugay na nga ginadumilian sa ciudad ang pagbyahe sang electronic bikes kag tricycles (e-bikes, e-trikes) sa national road.
Mahibaluan nga maga-umpisa sa Disyembre 1, ang pagpanakop sa tanan nga nagabyahe sang e-bikes kag e-trikes sa main thoroughfares suno sa Land Transportation Office (LTO).
Sa interview sang Bombo Radyo Bacolod kay Police Major Elmer Bonilla, sa ciudad sang Bacolod madugay na nga ginapatuman nga ginadakop ang mga nagabyahe sang e-bikes kag e-trikes sa national road magluwas na lamang kun wala na gid sila sang iban pa nga maagyan.
Suno diri, padayon ang ila pagpanakop sa mga nagabayolar bangod kun pabay-an ang mga ini, nagakuha sila sang pasahero kag kun kaisa nagapadayaw sang byahe sa national road.
Dugang pa sini, sa karun halos wala na sang may makit-an nga mga nagabyahe sang trisikad kag nagduging naman ang nagabyahe sang e-bikes kag e-trikes.
Pahayag ni Bonilla, challenge sa ila ang pagdakop sa mga nagabayolar amo nga nagapanawagan ini sa kada Brgy nga magbantay man sa mga nagabyahe sang e-bikes kag e-trikes.
