Subong nga Miyerkules, lauman nga mangin maulanon kag mabugnaw ang panahon sa dako nga bahin sang Northern Luzon.
Ini bangod sa liwat nga apekto sang Northeast Monsoon ukon Hangin Amihan.
Samtang apektado naman ang nabagatnan nga bahin sang Mindanao sang Intertropical Convergence Zone (ITCZ), ang linya kun sa diin nagasugat-anay ang hangin gikan sa Northern kag Southern Hemisphere.
Ang Amihan, ITCZ upod sa Localized Thunderstorms amo ang mga weather systems nga lauman nga magadala sang mga pag-ulan sa pungsod.
Ang Localized Thunderstorms ang makatuga sang makadali nga mga pag-ulan ano man nga oras sa diin man nga bahin sang Pilipinas.
Samtang ginalauman naman nga magasulod na sa Philippine Area of Responsibility ang ginamonitor nga Low Pressure Area subong nga adlaw.
Ang LPA ang ulihi nga nasiplatan sa 1,210 km sa nasidlangan sang Southern Luzon.
Nagapabilin nga mataas ang tyansa nga ini ang magsanyog bilang Bagyo sa masunod nga 24 oras.
Hinali nga mangin Bagyo, ini ang hatagan sang local name nga Bagyo WILMA.
Sa initial forecast analysis, mataas gihapon ang tyansa nga ini ang magalandfall sa Eastern Visayas ukon Caraga Region sa Sabado ukon sa Domingo.
Samtang ini ang ginalauman naman nga magaapekto sa dako nga bahin sang Visayas kag pila ka bahin sang Mindanao partikular na sa weekend.
Kun indi magbag-o ang banas, mahimo nga magdagdag na sang Wind Signal No 1 sa Eastern Visayas kag Caraga sumugod sa Huwebes.
Ginapanugyan ang padayun nga pagmonitor sa mga weather advisories bangod dako pa ang tyansa nga magabag-o ang hulag sang bagyo.
