Napili si Alexandra “Alex” Eala kag Bryan Bagunas nga mangin flag bearer sang Pilipinas sa opening ceremony sang 2025 Southeast Asian Games.
Ini ang gin-anunsyar sang Philippine Olympic Committee kahapon.
Suno kay POC President Abraham Tolentino, si Eala kag Bagunas ang naghatag sang dako nga impact sa global sports community rason nga ginpili ang duha nga magdala sang hayahay sang Pilipinas sa SEA Games.
Nahibaluan nga si Eala ang isa sa mga nangin masanyog ang career sa Women’s Tennis Association.
Madumduman nga nakasulod si Eala sa WTA Top 100 matapos ang performace sini sa Miami Open sang Marso.
Gin-umpisahan man sini ang Grand Slam main-draw debuts sa French Open, Wimbledon kag US Open kun sa diin nakalab-ot siya sa second round.
Nakuha man sini ang una nga WTA 125 title sa Guadalajara sang Setyembre antes sang iya nga career-high ranking nga No. 50 sang Nobyembre.
