Patay ang isa sa apat ka mga pasahero sang tricycle matapos mabungguan sang truck sa national road sang Hacienda Tipolo, Barangay Camandag, La Castellana, Negros Occidental.
Suno sa imbestigasyon ang Tractor Head nga may trailer nga ginamaneho ni Ramy Momandre ang nagabiyahe halin sa Igapnulong padulong sa San Carlos City samtang ang tricycle gikan sa Mansalanao ang padulong sa town proper sang La Castellana.
Samtang sa vicinity sang Hacienda Tipolo, Barangay Camandag partikular na sa likuan sang dalan may yara sang nagalaksam nga kawayan nga ginlikawan sang truck.
Bangud sini nabungguan niya ang nasugata nga tricycle nga may sakay nga apat ka persona nga nagapadulhog sa dalan.
Naglabog ang mga sakay sang tricycle kun sa diin ang isa ang nalapakan sang royda sang truck nga ginkilala kay Jay Ann Varona.
Dead on the spot si Varona samtang ang tatlo ang gindala sa La Castellana Municipal Health Office kun sa diin ang isa ang ginrefer sa Bacolod City bangud sa malala nga igo sa ulo.
Boluntaryo nga nagsungka ang driver sang truck sa La Castellana Municipal Police Station.
