Ginpasidunggan sang Philippine Chamber of Commerce and Industry (PCCI) si Dr Rogelio M Florete, chairman sang Bombo Radyo Philippines nga ginakilala nga pinaka-influential kag masaligad nga radio network sa pungsod.
Suno sa PCCI, naglapta ang Bombo Radyo sa bilog nga pungsod, paagi sa paghatag sang credible journalism, public service, kag community empowerment.
Ang commitment ni Dr Florete sa tampad nga pagbalita kag accessible media ang nagpadasig pa sang paglab-ot sang masaligan nga impormasyon sa minilyon nga mga Pilipino.
Sa karun ang Bombo Radyo ang may-ara na sang 32 fully digitalized AM/FM radio stations nationwide.
Suno kay Dr Florete, ang tawo ang mapatay, apang ang pangalan ang mahimo magpabilin depende sa kun paano ini nakilala.
Pahayag sini nga madamo na sang nabaton nga mga awards ang Bombo Radyo.
Dako ang pagpasalamat sa tagipusuon sang Bombo Radyo chairman nga siya ang ginhatagan sang pagkilala may kaangtanan sa media.
Mensahe sini sa mga kaangay niya nga negosyante nga dako nga factor ang pagkacompetitive, creative kag knowledgeable.
Sa edad nga 86 anyos, satisfied na ini nga paagi sa Bombo Radyo Philippines siya ang nakaserbe sa pungsod kag nakaserbe sa tawo.
