Ginapasalig sang Police Regional Office – Negros Island Region (PRO-NIR) ang pagbantay sang mga kapulisan sa seguridad sang publiko sa rehiyon.
Sa interview sang Bombo Radyo Bacolod kay PRO-NIR Director Police Brig Gen Arnold Thomas Ibay, siya ang nakapanaog na sang instruction sa tatlo ka Provincial Director kag isa ka City Director sa NIR, kag ini ang padayun naman nga gina-implementar.
Suno diri, sila ang wala paman sang namonitor nga threats sa Negros Island Region.
Ginapatutukan sini ang mga places of convergence kaangay sang simbahan karun nga may Simbang Gabi, mga sea ports kag airports subong man ang bus terminals bangod sa ginapaabot nga influx sa mga pasahero nga magasulod sa rehiyon subong nga yuletide season.
Dako naman nga bulig ang bag-o nga mga mobility assets sa paglibot sang kapulisan kag pagbantay sa seguridad sang rehiyon.
Panugyan man sini sa pumuluyo nga likawan ang pagsuksok sang mga masilaw sa mata sang mga kawatan kaangay sang mga alahas kag malahalon nga mga relo sa paglagaw sa mga public areas.
