21 ka indibidwal, ginpatawag sang PNP-CIDG may kaangtanan sa nakumpiskar nga 521kg shabu shipment sa Laos nga padulong sa Pilipinas

Ginpatawag na sang Philippine National Police (PNP) Criminal Investigation and Detection Group (CIDG) ang 21 ka mga indibidwal agud maghatag sang paathag sa nakumpiskar nga iligal nga droga sa Laos nga padulong kuntani sa Pilipinas.

Suno kay Police Col. Allen Rae Co, hepe sang Public Information Office (PIO) sang PNP, tuyo sang ini nga tikang nga mahibaluan ang ila nga bahin.

Paathag ni Co nga wala nagakahulugan nga imbolbado ang mga ini sa krimen.

Ang nasambit nga pag-subpoena ang kabahin sang imbestigasyon sang kapulisan sa narekober nga 521 kilogram nga shabu nga natukiban sa Laos.