Nakuha sang IPM Construction and Development Corporation ang lowest calculated bid para magkolekta sang basura sa ciudad sang Bacolod sa tuig 2026.
Suno kay Bids and Awards Committee Chairman Atty. Hermilo Pa-oyon, P330 million ang Approved Budget for the Contract (ABC) para sa collection, hauling kag disposal sang basura kun sa diin nagbid ang IPM CDC sang P316 million samtang ang International Solid Waste Integrated Management Specialist naman nagbid sang P327 million.
Sa management, operation, and maintenance sang Bacolod City sanitary landfill nga may approved budget nga P100 million, ang nagbid amo ang IPM CDC kag International Solid Waste Integrated Management Specialist.
Apang sa construction sang sanitary landfill cell no. 5 nga may approved budget nga masobra P65 million, ang nagbid diri amo ang IPM CDC, International Solid Waste Integrated Management Specialist kag DC Sandil Construction and Realty Development.
Suno kay Pa-oyon matapos ang bidding evaluation may patigayonon pa nga post qaulification para maverify kun kwalipikado ang lowest calculated bidder.
Tsekyaron ang ila requirements, mga technical documents kag financial documents kag may patigayonon pa nga on site inspection kag validation agud makit-an kun kasarang ini nga magserbe sa ciudad.
Matapos ang post qualification amo na kag mahibaloan kun makapasar ang bidder ukon indi.
