Luyag sang National Grid Corp. of the Philippines (NGCP) nga makompleto ang pagtukod sang duha ka transmission project nga nagabalor sang P12.34 billion sa masunod nga tuig.
Suno kay NGCP spokesperson Cynthia Alabanza, ginalauman nga matapos ang Tuy-Dasmariñas 500-kilovolt (kV) transmission line project nga nagabalor sang P8.1 billion agud masuportahan ang Luzon grid kag mabantayan ang pagsulod sang dalagkoan nga power generation sa transmission system.
Suno pa diri, ginatarget man sang NGCP nga matapos na ang 138-kV Nabas-Caticlan-Boracay transmission project sa Visayas sa tuig 2026.
Ang proyekto may yara sang approved cost nga P4.24 billion agud mapasanyog ang power supply sa Panay Island kasunod sa mga issue angot sa substations kag transmission lines.
Mahibaluan nga humalin sang 2009, naka-invest na ang NGCP sang kapin P300 billion para sa pungsod kag sang tuig 2024, nakumpleto sang grid ang Mindanao-Visayas Interconnection, Cebu-Negros-Panay 230-kV Interconnection kag Mariveles-Hermosa-San Jose 500-kV line.
Pahayag ni Alabanza, wala sang may nakita nga problema sa pagtapos sang tuig kag nagpasalig ini sang brownout-free holiday season.
