Lauman nga may yara sang pagnubo sa presyo sang produktong petrolyo sa masunod nga semana.
Santo sa apat ka adlaw nga trade monitoring sang Means of Platts Singapore, suno kay Department of Energy Oil Industry Management Bureau Assistant Director Rodela Romero, lauman nga maganubo sa P1.20 ang kada litro sang Gasolina, kapin P1.70 sa kada litro sang Diesel kag P1.75 sa kada litro sang Kerosene.
Suno kay Romero, ang rollback ang bangod sa ginalauman nga positibo nga resulta sa peace agreement sa tunga sang Russia kag Ukraine.
Suno diri, ang Russia nagaproduce sang three million barrels per day kun sa diin ang peace deal sa Ukraine naka-apekto sa oil price adjustment.
Dugang pa sini, ginalantaw man nga may yara sang sufficient supply kag manubo nga demand sa global market.
Suno sa opisyal, santo sa latest adjustment, ang net increase sang Gasolina yara sa P21.30, Diesel sa P21.65 kag Kerosene P6.65.
