Ginpahayag ni Police Regional Office – Negros Island Region spokesperson Police Lt Col Joem Malong nga wala untat ang ila pagpa-intindi sa mga pamilya sang kapulisan kun ano nga klase sang trabaho may yara sila ilabi na nga bisan sa importante nga okasyon mas ginapili nila nga magtrabaho.
Sa interview sang Bombo Radyo Bacolod kay Malong, mas nag-busy na gid sila sa karun humalin sang pag-umpisa sang Nobyembre sa sunod-sunod nga bagyo kag sa karun nga yuletide season.
Suno diri, ang mga kapulisan wala naga-untat sa pagtrabaho bisan sa holidays, sa holy week kag sa iban pa nga okasyon.
Bangod sini, ginapa-intindi na sini sa iya mga bata nga indi sila maka-upod sang iya bana sa pagselebrar sang okasyon bangod duha sila nagatrabaho bilang uniformed personnel.
Dugang pa sini, ginpa-intindi naman sini sa iya pamilya nga sa kada maghalin sila sa ila balay, wala sang kasiguradohan nga makapauli pa sila bangod sa nature sang ila trabaho.
Pahayag ni Malong, naintindihan sini ang iya trabaho kag wala man sini untat nga ginapa-intindi sa iya pamilya kag sa pamilya man sang iban nga kapulisan.
Kun kaisa may ginapatigayon nga aktibidad ang kapulisan kun sa diin gina-imbitaran ang mga pamilya sang kapulisan para magbisita sa estasyon agud mapakita ang ila trabaho, kun sin-o ang kaupod nila sa kada adlaw, kag ini makahatag sang pasalig sa mga pamilya.
