Patay ang indi magnubo sa siyam ka mga indibidwal samtang napulo naman ang nasamaran matapos ang mass shooting sa South Africa, kahapon, Disyembre 21, 2025.
Suno sa spokesperson sang South African Police Station Service, nag-abot ang grupo sang dose ka mga suspek sa isa ka bar sa KwaNoxolo,Tavern.
Nagpanaog ang mga ini sa duwa ka salakyan pwersaha nga ginsulod ang bar kag ginpalukpan ang mga customer sa sulod.
Tatlo naman ka mga tawo ang napatay sa sulod mismo sang bar.
Samtang sa pagpadayon sini sang pagpangtiro sa gwa sang tavern, napatay sini dugang ang anom ka mga tawo dala na ang naglabay lamang nga driver.
Indi naman magnubo sa 10 ka tawo ang nasamaran sa nasambit nga insidente.
Suno sa mga otoridad wala pa makilal-an ang mga suspetsado kag ang motibo sa pagpang-atake.
Gintaban man sang mga suspek ang mga importante nga kagamitan sang mga customers kaangay sang ila mga cellphone.
