Naghatag sang pahayag si Janice de Belen nahanungod sa mga espekulasyon sang relasyon sang iya bata nga si Kaila Estrada kag sa aktor nga si Daniel Padilla.
Ginpahayag ni Janice nga bilang isa ka ginikanan, natural ang mangin “over-protective,” apang importante man nga mahatagan sang kahilwayan ang mga kabataan nga yara na sa husto nga edad agud maeksperyensyahan man nila ang mga butang sa kabuhi kag magdesisyon para sa ila nga kaugalingon.
Suno kay Janice, nagpabilin siya nga neutral angot sa mga viral nga mga litrato kag videos nanday Kaila kag Daniel, kun sa diin nagapakita nga sila ang updanay sa isa ka concert.
Suno diri, ginpabay-an nalang sini ang publiko nga maghatag sang ila kaugalingon nga interpretasyon sa nagalapta nga mga litrato.
Ang pahayag ni Janice ang nakakuha sang nagkalain-lain nga reaksyon online.
Pila ka mga netizens ang nagapaminsar nga isa ini ka kumpirmasyon sang relasyon nanday Kaila kag Daniel samtang ang iban ang nagasiling nga opinyon lang ini sang isa ka iloy nga nagahigugma kag nagakabalaka para sa iya nga bata.
Madumduman nga nauna na nga naghingyo si Daniel Padilla sang privacy kag nagpanawagan nga indi anay magpalapta sang mga fake news.
