May kaugalingon nga pamaagi ang mga pumuluyo sa New Zealand sa pagsaulog sang Christmas.
Sa interview sang Bombo Radyo Bacolod kay Tide Rogacion, Bombo International News Correspondent Direkta sa New Zealand, ang mga Kiwis ang nagaselebrar sang Christmas paagi sa barbeque party bangud summer didto.
Suno kay Rogacion ang mga Kiwis ang naka-adopt man kun paano mag-celebrate sang Christmas ang mga British nga nagainum sang beer.
Indi man madula ang cakes kag Turkey.
Nagatulog lamang ang mga Kiwis sa midnight sang Christmas ukon sa Christmas eve bangud nagatipon kag nagakaon sila sa Christmas lunch.
Hugot man ang seguridad sa New Zealand kun Christmas kag may mga police nga nagapatigayon sang breath testing sa mga nagadrive bangud duha lamang ka beers ang limit kag kun madakpan nga nagsobra sa limitations mahimo nga kumpiskaron ang drivers’ license.
May mga Filipino man nga nagaselebrar apang limitado lang nga oras bangud nagatawag sang police ang kaingod bangud magahod.
Suno kay Rogacion nagapasalamat ini nga sa Pilipinas nabun-ag bangud mas masadya gid ang pagselebrar sang paskwa diri kun ipaanggid sa New Zealand.
