Sa Christmas Urbi et Orbi address ni Pope Leo XIV nagpanawagan ini sang kalinong kag nagpahanumdom nga ang kalibutan regalo halin sa Ginoo kag ini ang responsibilidad sang tanan.
Ginpangamuyoan sang Santo Papa nga mahatagan sang hustisya kag kalinong ang mga lugar nga may giyera kag mga biktima sang terorismo kag religious persecution.
Suno diri, iya man ginapangayo sa Ginoo nga mabalik ang pag-abyan sang mga pungsod agud mauntat na ang kinagamo.
Samtang, gindumdum naman ni Pope Leo XIV ang matood nga kahulugan sang paskwa nga amo ang pagkabun-ag ni Hesus amo man ang pagkabun-ag sang kalinong.
Suno diri, ginbaton ni Hesus ang tanan nga pigado kag mga ginpabay-an, kag ini nagapakita nga indi pagbayaan sang Ginoo ang iya mga tawo.
Dugang pa sini, si Hesus ang kalinong nga nagsalbar sa tawo sa mga sala kag ginpakita sini sa mga tawo kun paano madula ang konflikto.
Sa final message sang Santo Papa, naghambal ini nga si Hesus amo ang paglaum nga magapabilin sa kada isa.
