Nagbaliskad sa tunga sang dalan ang isa ka salakyan kasunod sa nagluntad nga aksidente sa Purok Mainuswagon, Brgy Alijis, Bacolod City, kagab-i.
Sa interview sang Bombo Radyo kay Tatay Bebot, nakawitness sa natabo, nagabyahe ang Toyota Vigo nga ginamaneho sang isa ka babayi padulong sa Brgy Mansilingan.
Suno diri, gina-alegar nga yara sa impluwensya sang makahulubog nga ilimon ang babayi kag ini natulogan tubtob nga naglapaw na ini sa lane.
Nabunggoan sang Toyota Vigo ang Xpander nga may tatlo ka sakay nga ginalakipan sang driver kag duha sini ka pasahero.
Bangod sa impact, nagbaliskad ang Toyota kag naghabok ang air bag nga nakabulig salbar sa driver nga babayi.
Nahimo pa sang babayi nga makagwa sa nagbaliskad nga salakyan.
Samtang, nag-agom naman sang pilas sa ulo ang pasahero nga babayi nga nagasakay sa Xpander.
